【函館】星 • 鶏白湯拉麵
歡迎大家返到嚟「我的旅友」 繼續行程嘅第三日 影片開始之前歡迎你訂閱我嘅頻道
ありがとうございます 🙇🏻♀️ 今日帶大家嚟食嘅呢間 都係我嘅一個日本朋友介紹嘅 位於函館市本町嘅星「あかり」 係專門食雞白湯拉麵嘅 廢話少講 今朝早餐都未食 即刻入錢先 Order 嘢食先 Order 咗一份套餐
就係特製神泡雞白湯拉麵 + 炙燒豚肉丼 另外再 Order 一份炸餃子 係喎 用埋啲硬幣先 另外一份套餐
就係柚子鹽雞白湯拉麵 + 知床雞丼 最後 單點咗一碗蝦麵豉拉麵 落完單 搵個舒服嘅位坐低就可以㗎啦 呢間係超級推介 鍾意靜靜哋食拉麵嘅你 如果比較鍾意熱鬧嘅話 過多幾日去返札幌 再介紹另一間俾你哋 而家去廚房睇吓師傅煮拉麵先 呢個咁正 會令人上癮 咁濃郁嘅雞白湯湯底 就係配合咗國產豉油 鹿兒島縣嘅雞 同埋豬骨
用大火熬製出嚟嘅味道 特別挑選咗有咬口嘅中粗麵 每一碗拉麵嘅湯底都做咗乳化嘅過程
(近年日本都比較流行) 令到味道同埋口感更加順滑濃郁 簡直就係完美嘅配搭 我哋 Order 嘅嘢食到啦 兩個丼飯 一個炸餃子 同埋三碗拉麵 特製神泡雞白湯拉麵 一開始就食咗兩隻蛋先 睇嚟你真係堅肚餓 今朝真係冇食早餐啦 柚子鹽雞白湯拉麵 相比起特製神泡雞白湯 柚子鹽雞白湯較為清新 你睇吓 好唔好食 已經唔係靠把口去講 係用對眼去睇 同用對耳仔去聽 迷你一口炸餃子 蝦麵豉拉麵 呢個湯底重口味就預咗㗎啦 濃到成碗龍蝦湯咁 如果鍾意飲龍蝦湯嘅你 呢個就啱晒啦 超正 都係1140円咋 我比雙倍價錢 香港有冇?
留言話俾我知即刻嚟試食 知床雞丼 炙燒豚肉丼 除咗拉麵個湯底夠濃厚之外 蛋黃汁都好濃厚 你都幾識食喎 搵你拍飲食節目真係正呀
（下次一定預埋你） 食完可以再食 食完可以再食 又唔使扣喉 🤣 我哋又準備轉場啦 今集就嚟到呢度啦 你嘅訂閱 🫶🏻
絕對係對我拍片同剪片嘅支持 🫰🏻
ありがとうございます 🙇🏻♀️ 期待下集再見到大家
👋🏼👋🏼
💻 https://jinzaiservice.com/akari/
📍 https://maps.app.goo.gl/zxedHB6aM63QpKao6
