與佐藤健演人體細胞為題電影永野芽郁見造型難忍笑

日本人氣男星佐藤健同永野芽郁演出電影版人氣動漫，佐藤健喺戲中飾演嘅戰力非凡又帥氣嘅白血球，預告片到見到佐藤健身手超勁，睇到大家拍案叫絕，而永野芽郁就飾演可愛嘅紅血球，可以演出呢部以人體細胞為題材嘅電影，兩人都話好特別，一定係佢哋嘅代表作，亦係至今最有趣嘅作品。

佐藤健話自己睇咗原著漫畫，對故事嘅世界觀完全著迷，佢話自己都有幻想過去演白血球，仲好浮誇咁話，佢就係為咗呢個作品同角色，一直努力去做演員。至於永野芽郁話初初接到紅血球呢個角色時，完全理解唔到，所以心情係又開心又期待。

佐藤健同永野芽郁其實喺2018年已經合作過，再合作當然就有晒默契啦，之不過要面對造型古怪嘅拍檔，野野就話係一大挑戰，好似佢話有場內心戲，本來要好認真去做，之不過一見到佐藤健全白造型，就忍唔住笑場呀。

#佐藤健 #永野芽郁 #人氣動漫 #電影版 #白血球 #紅血球 #代表作 #有趣 #工作細胞 #はたらく細胞 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0