木村光希對聖誕老人有陰影 爸爸木村拓哉送驚喜反成壞事

木村光希對聖誕老人有陰影 爸爸木村拓哉送驚喜反成壞事

日本男神木村拓哉同工藤靜香嘅細女Kōki木村光希，日前冒住三號風球嚟到香港出席聖誕亮燈活動，Kōki更提早收到聖誕老人送嘅禮物，就連佢愛犬都有份，令Kōki開心到見牙唔見眼。

Kōki就話，由4歲開始屋企就會布置聖誕樹，所以每日瞓覺前都會許願可以有聖誕老人嚟送禮物，只不過當爸爸真係扮成聖誕老人送驚喜時，Kōki反而嚇到大喊。而講到今年會點樣度過聖誕節，Kōki就話好幸運今年聖誕可以休息，期待可以同媽媽炮製大餐。

Kōki出席活動前一日，正正係木村拓哉嘅52歲生日，Kōki就話好開心可以放假，全家一齊度過美好時光，不過佢話仲未物色到可以送咩生日禮物俾爸爸，期待喺香港可以搵到合適嘅禮物。

講到工作，由Kōki講到有份主演、改編自韓國漫畫《女神降臨》嘅新片時，都話好榮幸可以演出，加上讀書時已經好鍾意呢套漫畫，又係自己首次出演喜劇同可以扮醜女，所以令佢好期待。除咗電影，Kōki早前就自薦做媽媽新歌MV女主角，呢日更為媽媽宣傳新歌，形容歌曲係「描寫了既悲傷又美麗的故事」，希望大家多多支持。

#木村光希 #Kōki #木村拓哉 #工藤靜香 #聖誕 #聖誕樹 #聖誕老人 #亮燈 #三號風球 #女神降臨 #漫畫 #韓國 #禮物 #生日 #MV #女主角 #最強宣傳
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0